Quotidiano Nazionale logo
Quotidiano Nazionale logo
il Giorno logo
18 mar 2022

"I Cinq Dì de Milan": l'angolo di Milano dei Duperdu

La cittaa la porta anmò i sègn de 174 ann fa

18 mar 2022
marta marangoni e fabio wolf
Cultura
featured image
Duperdu
featured image
Duperdu

Milano -  Come a hinn bej i noster tramvai inghirlandaa de banderin. Ma perché propi adess? Fann festa per i Cinq Dì de Milan! On pandemoni, on rebellott, on Quarantott! La cittaa la porta anmò i sègn de 174 ann fa. La gh’è ona palla de cannon in del mur del Palazz Acerbi in Porta Romana. E pensà che tutt l’è nassuu quand hann taccà lit per el tabacch al Cova. La comincia l’insurrezion, barricad in dapertutt. I milanes ciappen el Monforte cont denter el governator; el Radetzky el scappa de pressa da la soa cà de via Brisa e el desmentega anca la spada.

Milan regorda el Risorgiment cont el leon e l’aquila de la libertà ne la piazza e cont i straa di famos Casati e Correnti, ma anca la via Sottocorno, el poer calzolar che el dà foeugh cont l’acquaragia al porton del Geni Militar.  El deslippaa Anfossi? Mort cont ona pistolettada. El valoros Manara? Ferii al comand di rivoltos. Stoppani? Quel di ballon aereostatic per ciamà i villan a la rivolta.  E poeu i Martinitt, messagger di combattent. Financa i donn: la Battistotti Sassi la streppa via i pistol ai Tognitt; la Trivulzio de Belgiojos la comanda ona milizzia de volontari; l’americana Fuller, l’unica tosa giornalista. Le cunta anca la canzon: “Cinque giorni di battaglia i Tognitt hemm faa scappà!” Peccaa, la libertà l’è durada pocch: el Radetzky el torna cont la marcia del Strauss.  Ma la coteletta però l’è semper mej del Wiener Schnitzel!
 

© Riproduzione riservata

Iscriviti alla newsletter.

Il modo più facile per rimanere sempre aggiornati

Hai già un account?