I signor de Milan l’han ciamaa el “Pan del Toni”

Fabio Wolf

Marta Marangoni

Oramai l’è el dì de Natal e num milanes podemm minga fà senza el nost dolz che l’è anca el nost simbol: el panatton. Anca el panatton el g’ha la soa storia leggendaria.

Se dis che el Lodovico il Moro,

el Duca sforzesco, e la soa miee Beatrice D’Este, in del dì de la vigilia de Natal del 1495 han faa ona gran festa a cort, cont ona tavola imbandida de tucc cos.

L’ofelée del castell l’aveva preparaa on dolz

eccezional.

A sorveglià el forno l’era restaa el Toni, el sò garzon de dodes ann, ma quel fioeu stracch come l’era, el se indormenta e inscì quella torta deliziosa la brusa.

El garzon l’era disperaa.

Inscì per rimedià, el Toni l’ha cattaa su quel che gh’era: la pasta avanzada, ughetta, candii, mes’ciada cont mel e butter.

N’ha faa on impast e l’ha sbattuu a coeus.

L’è vegnuu foeura on gran pan, minga bell de vedè, ma inscì bon che el Duca l’ha semper voluu per Natal.

I signor de Milan l’han ciamaa el “Pan del Toni” che el diventarà el noster panatton. Nialter Duperdu hemm

cantà anca questa:

"Toni con la pasta di pan quella che era avanzata era un bel po’ e soffice perchè era lievitata La mette dentro al forno e poi guarda che sorpresone è proprio quello il giorno in cui è nato il panettone"

E poeu in milanes, "vess on panatton" el voeur dì che te set propri bon, inscì bon quasi de vess ciolla, anca perchè la troppa confidenza la fa perd la reverenza, e allora forsi, l’è mej vess on gras de rost?