Natale a Milano
Milano, 21 dicembre 2017 - Cont el sottofondo de music natalizi che van dall’Adeste Fidelis al Tannenbaum, da Jingle Bells a Tu scendi dalle stelle, da Still and Nacht a Bianco Natale, se senten i vos che vegnen foeura dal copion “Evviva il Natale” che mia sorella Maria l’ha mis insema complett de ricerch e che mi hoo mis in scena e peu adattàa al giornal. Indicaroo i moment de la colonna sonora per fa’ che el lettor el poda legg e immaginà la musica come se fodess on articol radiogiornalistico de tipo noeuv. Coro ch’el sfuma poc a poc e resta in sf legger per minga sovrasta’ i parol: “Adeste fidelis/panem angelorum/venite adoremus/ dominum /Venite in Bethlem/” Brivio - Mi sont el spirit de Nadal . No, sciora. Hoo dit Spirit de Nadal, minga Spirit de Milan che l’è un local a la moda in quel de la Bovisasca. Si, sonaran el Jazz, el Swing, farann del Cabaret ma oltre che a mett i cappell natalizi, del Nadal gh’avaran ben pocch. Mi sont divers. Hoo parlà cont Dickens, quell che l’ha scritt la storia de Scrooge, el personagg pervers che el s’è convertì a la bontà. Charles el m’ha lassà carta bianca. E allora eccola, sont chi. Sont el spirit de Nadal. El pussè tradizional Spirit de Nadal che vun el riessa a immaginà cont i so presepi de cartapesta, i so statoin de gess, i so abeti, el so Babbo Natale su la slitta tirada da dodes Renn, e tutti i compars del presepe che stan in del paesagg cont la capanna, cont la grotta a destra o a sinistra, a seconda del moment politich, cont davanti on po’ de post per mett i Re Magi, quand tocca a lor, all’Epifania, e la cuna (culla), incoeu voeuja, per el Bambin Gesù. Manca la stella. Ghe l’hoo domandada a Grillo ma el m’ha ripost che se ne molla voeuna se sfalda el moviment. Femm senza. De stell in politica ghe n’è no, adess.
La postazione l’è semper quella. De drè de la cuna, el boeu e l’asnin a fiadà per scaldà el fantolin; a fianc la Madonna e San Giusepp in attesa de la Notte Santa. Vos f.c. (foeura camp) - Viva la tradizion. Viva la commozion. El coro el s’è mis’cia (mix) con la musica de “Astro del ciel/ Pargol divin”. Anca chi quand gh’è l’azion parlada, pian la musica fin a cito. Brivio - Natale… sulla provincia nevica/tra i lari confortevoli/ un sentimento conserva/ i sentimenti passati. A hinn vers de Fernando Pessoa e aiuten a creà l’atmosfera giusta. La musica de Still and Nacht la se mis’cia cont Jingle Bells cantada in milanes: “va che bell, va che bell, stà chi al frecc e al gel/ coi parent/sbatt i dent/ senza pensà a nient/… saludà/ cicciarà/ dass el bon Nadà. La musica la va giò e in PP(primm pian) entra la vos del Brivio che la dis on scritt del Dino Buzzati: Brivio - I neretti davanti alle vetrine/ si domandano cosa sia/ quella bambagia/ sparsa sul presepio. (Addis Abeba, 24 Dicember 1939) Basta andà in centro el 24 Dicember del 2017 (l’è passàa squas on secol) per vedè, in doa gh’è on presepio, la stessa scèna. De nerett ghe n’è tantissim, ma anca giallet, anca arabet, indianet, marrocchinet, pellerosset, insomma ona Milan Universal, compres on po’ de alieni sbarcàa da on quaj UFO impersonificaa in milaneson. La colonna sonora l’aumenta de decibel, fina a rivà in PPP (primissim pian), peu la cala fina a fermass sui parol del Speaker.
Brivio - La notte era placida. Immersa nel silenzio insolito… domandi scusa, me s’eri lassà ciappà da on momment d’ italian. Tornom al milanes. … On silenzi ch’el faseva pensà “ chi el stà per capità on quaicoss”. Musica in PPP, peu la cala.
Speaker - Natale lontano da casa. Dal diario di Anna Frank. Raimondi - Cara Kitty, qui all’alloggio segreto la notizia che ognuno a Natale avrà 125 gr. di burro in più è stata accolta con gioia. Sul giornale c’è scritto addirittura un quarto di chilo, ma riguarda solo i fortunati mortali che ricevono le tessere dallo stato, e non gli ebrei. Distacch musical Speaker - Da “Se questo è un uomo”, di Primo Levi. Brivio - Ormai Natale è vicino. Alberto e io camminiamo spalla contro spalla nella lunga schiera grigia, curvi in avanti per resistere meglio al vento. E’ notte e nevica; non è facile mantenersi in piedi, ancora più difficile mantenere il passo e l’allineamento: ogni tanto qualcuno davanti a noi incespica e rotola nel fango nero: Distacch musical Speaker - Da “Marlène D”, di Marlène Dietrich. Maria Brivio - Nel 1944 vivemmo un Natale triste e assistemmo al ritorno delle piattole…Ci sentivamo scoraggiati, esausti. Era una gran fatica immettere negli spettacoli l’entusiasmo di un tempo. Ma bisognava rendere felici i soldati. La controffensiva tedesca era stata fermata e stavamo di nuovo avanzando. Ma quanto sarebbe ancora durata questa guerra? Distacch musical conclusiv. L’era on moment per tirànn in ball alter trii, important. Primm: la savii la storia che la cunta come in della grotta hinn finii el boeu e l’asnin? Donca, in Paradis se sa’ tutt e in del temp che Maria e Giusepp a eren in viagg vers Betlemm on angel, sì quej cont i all, el raduna i animal per fa ‘na scelta e metten duu in la grotta. El riva el Leon. - Son content da Re de la foresta de servì el Re del mond. Me mettaroo all’entrada e faroo foeura cont i me ganass tucc quej che tentaran de andà visin al Bambin. - Te set tropp violent. L’Abatantuono el vegnarà in cimena con la violenza fra domila ann. Calmes. Avanti on alter. Sentemm la Golpa (Volpe). - Mi, tutti i mattin, a robaroo el mel (miele) e el lacc e anca on pollaster per i genitor del fioeu de Dio. - No, te set tropp disonesta. Sentemm el Pavon. - Cont la mia roeuda faroo de la stalla ona reggia. - Te set tropp vanitos. Chi finissi per perd la giornada. Ma…varda quii duu che laoren cont la testa bassa e se fan minga avanti. On boeu e on asnin. Ehi, vialter duu, cossa l’è che podarisset fa in de la stalla? - Hi Hoo. La pazienza. - Muu. El gh’ha rason l’asnin. Numm laorom e basta. Ah, podarissom mandà via i mosch con la coa e fiadà cald su la cuna. - Ciappaa tucc e duu! Coro - Piva piva l’oli d’oliva/ gnacca gnacca l’oli ch’el taccaaa. I alter duu moment: la leggenda dell’Alber e la nascita del Fioeu scritta dal Gozzano i riservaroo per Domenega 24. Foo a tucc, in anticipo, Bon Nadal.