![Migration Migration](https://www.ilgiorno.it/image-service/version/c:MGExMjgxMTAtNGM3MC00:NjhjZmJk/migration.webp?f=16%3A9&q=1&w=1560)
Fabio Wolf
Marta Marangoni
Voeurom comincià l’ann cont el regord de on gran coeur del nost Milan, nassuu propi el primm del mes de gennar in del 1906.
Parlomm de l’immens Giovannin D’Anzi, l’autor de la nostra "Oh mia bella
Madonnina".
De famiglia puglies, da fioeu el sta a Greco indove la soa sorella la ciappa lezion de piano, ma a imparà l’è luu.
El perd i genitor a tredes ann e inscì el comincia a sonà el piano adrée ai film muti e al tabarin Trianon in del Cors al 15.
El cognoss la soubretta Lydia Johnson che le porta in
gir per el mond come direttor d’orchestra: el Giovannin el sarà el primm a comandà l’orchestra senza la
bacchetta.
In del ‘32 el torna a Milan e l’incontra el Bracchi.
Insema scriven giò pussè de dusent canzon in milanes e in italian, i pussè bell de l’epoca: Nostalgia de Milan, la Gagarella, Non dimenticar
le mie parole, Ma le gambe. Insema al Galdieri inveci Mattinata fiorentina, Voglio vivere così, Ma l’amore no. El scriv la musica per film e canzon per spettacol de rivista e de radio.
Dopo i 60 ann el se
ritira a Santa Margherita in la soa bella villa a pitturà.
L’è lì ch’el moeur in del 1974. Milan g’ha daa on
post tra i “cittadini benemeriti“, el g’ha intitolaa ona via propi chì indove semm num Duperdu, in del
quartier de Niguarda.
La soa bella faccia l’è in ona targa commemorativa, in piazza Beccaria a l’ingress
del la Galleria del Cors e la sorrid bonaria, come gh’eva de vess luu, el noster Giovannin.