Vorevi andà a San Remo la canzon l’è mai pasada

Milano, 7 gennaio 2018 - Adess che i gioeugh a hinn faa, che la conferenza stampa l’è andada su tutti i giornai, che el Baglioni l’ha dit la soa senza nanca dilla perchè a hinn i alter che l’hann comunicada, podi finalment dislenguà la riserva e annunzià pubblicament che vorevi andà a S. Remo. L’era da tanti ann che me candidavi ma la canzon che mandavi la gh’aveva on impronta tropp cabarettistica e l’è mai passada. Eccola. “Lamento d’amore” (scritta nel 1965 prima de quella cantada da la Mina), testo di Roberto Brivio, musica di Ario Albertarelli. Strofa: “Questa mattina/ voglio fare il sentimentale/ ti telefonerò/ e ti dirò/ vieni amore/ vieni da me” Ritornell: “ Amore ti supplico/ lasciati strozzare/ la lingua tua ognor desidero/ vedere penzolare/ fatti mettere sul collo/ le mani che hai tanto amato/ e pian pian con beatitudine/ tu non tirerai più il fiato/ Amore ti supplico/ non ti rifiutare/ ti voglio dare questa emozion/ mi sento già il languore/ e perciò ti prego amore/ esala l’ultimo respiro/ perché poi sul carro funebre/ ti porterò a fare un giro”. Inciso: “ I funerali saranno di prima classe/ed i pennacchi avrai/ i tuoi parenti ridendo il cordone sorreggeranno/ mentre la banda/ farà…tacium per te/” Ripresa: “ Amore ricordi amor/ abbiam provato tutto/ spumante balli praticelli in fior/ divani di velluto/ ma non ti ho veduta in coma/ non ti ho sentito rantolare/ siedi qui sulla poltrona/ e calma lasciati strozzare/”. Ve risparmi el finalino. Se voeurii savell andì a cerca’ su You tube “I Gufi a colori”.  Peu nell'ann 1981 el colp m’è reussì: l’ impresari Polloni, che el stava di front a ca’ mia e che el conosseva el president de la CGD, l’ha portà el quartett come ospite propri ne la manifestazion canora pussè importanta d’Italia. La canzon l’era intitolada “Pazzesco” e l’è tanto piasuda che prima ancamò che la cà discografica le stampass, el disco, “45 giri”, l’era bell’e che esaurii. A hinn passà da allora circa 37 ann. Voulàa. Hoo vist rivà a la sbarra del success tanti personagg. Anca quej che adess disen de avegh pù danèe, de vess sul lastrico, cont pignorament, impediment, cont i fioeu e la miè, magari la seconda o la terza, sui cann, e single-allo-sbando malgrado sien ciamà a destra e a sinistra (propri politicament) dalla tv di stato e dai canai privàa, anca ben de confession sui gossip, foto, copertin, articol e intervist compensaa.  Cunta l'immagin, almen quella la dev vess semper presente cont le didascalie pien de aggetiv che miren a colpì el lettor. E peu disen che la vita dell’attor, del cantant, del personagg l’è facile. Sì! Facile punto it! E credevi che fudess facil anca andà a S. Remo. El discografic d’ona grande ca’ l’ha ‘scoltà la canzon “Invecchiare con te” testo di Roberto Brivio, musica di Alberto Anelli, la gh’è piasuda, l’ha trovada orecchiabil ma l’aveva decis de fàa on’operazion cont i giovin e i rapper, senza savè che el Baglioni l’avaria decis come l’ha dit el titolo de on settimanal che ‘na volta l’era tra i pussè leggiù “Baglioni come Pippo Baudo: largo ai vecchi e alla nostalgia”. Ghe n’hoo presentà on altra “Ma si ma si”, on vecc motiv de Enrico Intra che ‘l me rintronava da ann in testa, girà a rap. Tropp tardi. E peu niente rap. L’è per i giovin e mi sont vecc. I rap e i rav se dev mangiaj in insalata. Eppur ona battaglia la se podeva fa. Vedevi giamò i titol: Vun di papà del Cabaret a San Remo cont ona canzon commercial. Ma no. Figuremes! Ona presentazion in milanes anca se la canzon l’è in italian! A hinn tucc bon de dì “salviamo il dialetto” “salviamo l’identità di una regione” “salviamone gli usi, i costumi, le tradizioni, i linguaggi” ma quand se tratta de fa di azion de salvatagg te lancen nanca quella ciambella che se te la ciappet in co’ te vet de sotta. Quand Davide Van de Sfros, l’è andà a San Remo, pubblicament minga de sfros, credevom tucc che el lassass ona porta averta su la possibilità de seguità el discors minga domà cont el laghèe ma anca cont i dialett capostipiti. Nient. Nanca la parvenza de ona noeuva produzion.  La Rai l’è bloccada con Montalbano, cont i canzon napolitan, con qualche emergente di alter region del Sud, ma poca roba. E el venezian? Mort Baseggio, finì? El Genoves l’è restà a Govi e a “Ma se ghe pensu”? El Torines? Divulgaa da Lapo o rappresentà dalla cadenza della Litizzetto? E i alter dialett? Util per fa’ magett da avanspettacol in di film de minga alta lega?  E allora  resta domà ona ipotèsi: diventà on cantant o on attor Ner, o come se dis incoeu Di Colore. Mej se de nazionalità africana. Mej se cont ona storia de fa piang el telecinefroidor. Mej se innamorà de ona quaj principessa. Mej se gh’hinn ai spall prepotenz, sopraffazion, arroganz, ruffalderii. Allora te podet cantà Old men River magari a rap, basta che te faghet piang el conduttor televisiv che cont la vos de circostanza se rivolg a la tc (telecamera) per dì “ quest chi l’è el disco… me sont immaginà de fall parlà in milanes…Gh’hinn denter dodes canzon che parlen de libertà, de liberazion, de autodeterminazion, autonomia, indipendenza, oppression, sottomission, proibizion, interdizion.  On CD complet. On CD de comprà. El ricavato l’andarà, cavà foeura i spes, a la fondazion… all’organizzazion…al convent…ai poaritt de… a…a…a…”

brivio.roberto@yahoo.it