Alla festa del laor laoren tucc perché prendere la paga l’e’ ona gara

Milano, 30 aprile 2017 - Saria de dì “festa del laor” ma sti computer che se presenten come la quintessenza de la perfezion, gh’han l’accento circonflesso ma se sa no come mettel su la “o” del laor. Voeuri no vess brancà per ignorant ma dato che la mia teoria l’è che ‘sti macchin a fan come voeuren lor e che se ciappen in antipatia on operador l’è finida per lu, sont cert che se dimentichen di trii legg de la robot ica inventà da Asimov, scienzià e scrittor de fantascienza, e me dann adòss e me ciappen per el…i fondell. El lettor dirà che sont matt de manicomi. Ghe rebecchi (rispondo)de provà a scrivsul bianc del word “computer…te set on pirla” e de spettà la risposta. A mi m’ha scritt “pirla te set ti e chi te le dis no”. In on primm moment hoo mascheràa la sorpresa cont ona sgavasciada (risata scomposta), peu gh’hoo respondu “pirlon”, lu(el PC) subit l’ha scritt “Pistolla, cojon,pivell”.

Gh'ho vist pu. Hoo tirà foeura da la borsa El Gran liber di parolasc, edizion Meravigli, che m’han stampàa nel domilaquattordes e che l’è andàa esaurìi in poch mes, tanto che n’han fàa ben ses edizion, e hoo comincià a dì con espression vigorosa tutta la “p”. “Pacciamerda, padron, pajasc, pampaluga, pancold, pancott, panposs, pantella (burattino), paolott. Ma lu, intant che giravi pagina, el scriveva: papaver, pappagall, patàn, patatocch, pattusc, pegoron, pelandon, pepiatt.E mi ancamò: perfid, perpetua, perucconn, pervers, pett, pettéra, piangina, piattola, pidria (ciccione). E lu’: piffer, pilatt pingiacca, pioeucc. E tucc e du insemma come quand fann i dibattit e se sormonten , e parlen che se capiss ona sverza: pivion, plebaja, poltron, porscell, porca, potta, pucciasca… L’è comod ‘sto Vocabolari de raffinatess vocal. Hoo sentì propri in questi dì laorador, che van minga d’accord politicament, insultass cont el Liber di Parolasc in man. E sì che la festa del I° magg la dovaria unì i lavorador all’unanimità. Inveci no.

A la festa del laor laoren tucc. Sonen, fann i discors, fann i cortei, pianten i palchett, metten la lus, l’impianto fonico, i manifest, svetolen i gagliardetti, scriven i cartei, vosen istanz,se baruffen, fan teater. L’è on andirivieni de gent impegnada a vosà, a reclamà quaicoss. E se tacchen quei vestì de ner che sembren ultrà del calcio, spacchen, rompen, incendien, tiren sass, usen i caden, scriven sui mur, ribalten i cassonet de la ruera, spacchen i veder di vetrinn. Ogni città la gh’ha el so’ concerto rock. A gh’hin pu i cortei de ‘na volta quand se cantava “le otto ore” “E lèe la va’ in Filanda” “ Senti le rane che cantano” “sebben che siamo donne” “O mamma mia tegnim a ca” I canzon han cambià i paroll. Davanti a ona gigantografia del Pelizza da Volpedo, on ròsc (gruppo), el parodiava gli Scariolanti cont i paroll “A mezzanotte in punto/ si sente la tromba suonar/ sono li pensionati lerinlerà/che vanno a postular/A reclamare il pane/ perché tiren no el primm del mes/voeuren el ris, la pasta lerinlerà/ e restà pu in mal arnes”. La famosa braghe bianche l’è diventada “ È uno stato con le braghe bianche/ che chiede le palanche/ e dimezza la pension.” ”e per finale Maremma “L’Italia l’è fondata sul lavoro/ ma questo quando c’è l’è un bene raro/ chi vuole lavorare seriamente/ si trova solo a fare precariato/ e per spazzar le strade malamente/ incoeu tu devi esser laureato/ coro: ahi che Italia amara/ che vita cara/ che vita avara/ prendere lo stipendio l’è ona gara.”

E inscì gh’emm parlà del I° Maggio. Me regordi el spettacol “Non so non ho visto se c’ero dormivo”. Scena final, Brivio, Magni e Patruno all’osteria. Sul tabellon in fond a ona paret gh’era projettàa on discors politich. Oratore: … quando vent’anni or sono (la commedia scritta da Gigi Lunari, il 5° Gufo de allora, l’era del 65), nel giorno radioso della ritrovata libertà… ecc. ecc. deposto il fucile e imbracciata chi la falce e chi il martello, fisso nella mente e nel cuore l’ideale di una nuova Italia, democratica, ricca e felice… Interventi di B.M.P. – Viva la domenica-Manca il Ninetto- Lui è al comizio – Ma vieni all’osteria gh’hoo dit. Ti danno l’aumento? Oratore: ..guidata da una classe dirigente preoccupata di non dilapidare il sudore del popolo, ma intenta a una sempre più generale diffusione del benessere, nella eliminazione delle secolari discriminazioni sociali… Ninetto : - Ueillà, salve. Gh’è de bev? B.M.P. – Cos’è successo?/ Cos’è che fai qui? / Hai disertato il comizio? Ninetto – E’ lo stesso discorso dell’anno passato, col ventesimo anniversario al posto del diciannove…A’l so giamo’ a memoria. Oratore - … Se noi potessimo misurare il cammino percorso in questi vent’anni ( oggi 72!), e afferrare in una sola immagine quante speranze siamo riusciti a realizzare… BPMS - (bevono) Aceto! Tradimento. Bottiglia di vent’anni! Fine di un mito. El vin de vint’ann fa, el bisognava bevell allora. Oratore -… e se coloro che si sono immolati nella lotta potessero tornare tra noi, vedrebbero l’Italia che loro hanno auspicato; un’Italia democratica, fondata sul lavoro, di cittadini uguali di fronte alla legge, sui banchi di scuola, nei posti di lavoro… (consultare su you tube le canzoni: Socialista ch’el va a Roma, la Badoglieide, Non spingete scappiamo anche noi, Non so non ho visto, Si puo’ morire, la Guerra, ecc. ecc.)