Per l’inciviltà de certa gent adèss preparemes a ona padellada de piragnitt

Milano, 20 agosto 2017 - Con questo racconto Roberto Brivio, il Cantamacabro dei Gufi, chitarra, fisarmonica e voce del mitico gruppo dialettal-cabarettistico che animava la Milano degli anni ’60, inizia una collaborazione col Giorno. Ogni settimana il suo sguardo affilato in decenni di satira, esercitata come attore, scrittore e chansonnier, illuminerà angoli della Grande Milano di oggi: i suoi vizi, le sue virtù e soprattutto la sua gente, da raccontare con irriverenza e tenerezza, come sa fare lui. E in lingua madre: il dialetto milanese.

A legg el giornal – me riferissi a Il Giorno - te troeuvet notizi da resciàss su i busècch (raccapricciarsi), de fass vegnì i sgrisor o la pell d’oca, per la crudeltà, la strafottenza, el menefreghismo, l’inciviltà, el vizi de fa nanca ona piega , di protagonist. Lader cheroben quand i cà hinn abbandonà per i feri ma anca quand gh’hinn denter i inquilin; sporcizia che la dilaga e minga semper per colpa dell’Amsa, anzi, squas semper percolpa dei cittadin che se ne sbatten di alter e fan della strada on cess a la serèna; discarich in quasi tutti i giardinett o i vial che porten a la periferia (Ma quantaroba l’è scartada! Mobil, materass, vestìi, scarp, sugaman, linzoeu, cussin, lampadari oriental, pignatt, roba de plastica), e la mercanzia la resta lì, l’Amsa la porta no via perché l’ha minga ricevu’ la telefonada de prammatica. “L’è in strada? Allora l’è roba del Comun. Ch’el se rangia lù!” Domà se dal mucc de ruera magari anca recuperabil el ven foeura on pè o ona man, allora cont l’intervent de la polizia, di pompier, di caramba, cont l’ordin del giudes , gh’è possibilità de rimotion.

Adess l’è el moment de la via… quella lì, doman el sarà el moment de on quarter intèr… quel là, dopo la periferia de…, insomma se sa. E poeu i prà… Han tirà via i pissatuar, come se ciamen, i vespasiani, per la spussa, el sporc, la moralità (eren diventà el regno di spostà, adess se po’ nanca dì dell’altra sponda, e anca di cartei cont l’indirizz di dottor che curen i malann venerei), ma hann da’ moeud de creà canton in doa nasà, usmà l’è impossibil, tant che el smog el sembra aria romondina. Ona iniziativa d’or de Il Giorno l’è quella de pubblicà foto e parer di cittadin che abiten i post incriminàa. Inscì semm tutti al corrent del degrado, della schifoseria di certi inquilin, del schivi de certi post, dell’inciviltà de certa gent, dell’abusivismo, minga quel de fa’ su i cà’ senza permess, quell de certi mestèe illegal che se ciamen furti, spacci, gioeugh, prostituzion, centri massagg o benessere, ver paradis del sess (come dì case chiuse non più chiuse ma aperte anche se chiuse) o giò de lì.

Hoo sentì che on quaj cines el voeur derbì ona fumeria d’oppio vintage. E che on quaj giappones al pensa de allestì ona “casa da the” con gheisce original. E che tanti donn (memori del bindel ner sul coll ai temp de la ghigliottina) se iscriven ai cors cultural per diventà gheisce. Inscì gh’avaremm le danzatrici (pirlatriss) del venter, i butterfly (butter ch’el vola, in milanes), i gheisci, le urì, e tutta ona genìa de donn al servizi de l’homm, del macho che a reson el seguterà a dì “ pan, vin e gnocca e s’el voeur fioccà ch’el fiocca”, foppand mezz secol de femminismo.

La gotta che fa straboccà el vas me l’ha dada la lettura del Pirania pescà in del Po a Casalmaggior. La nota la dis che el pess l’è vittima degli abbandoni estivi. A part el fatto che on Pirania l’è mai vittima, se mai l’è vittima quell ch’el capità sotta i so’ dent! Besognaria dì che el Pirania nel Po l’è ona disgrazia generada da on irresponsabil ch’el sa no de avè sbattù nell’acqua dolza del fiumm on pess feròce ch’el deposita oeuv su oeuv che quand se derbaran saran cazz amar per tucc i rivierasch, i turist, i pescador, i bagnant. Ma ghe sarà semper on sindich cont la fassa tricolor al corp ch’el mettarà in cartellon on Piraniafest cont la frittura di piragnitt che, streppàa i dent, la se presenta come ona padellada de pessitt de salàa e mangià come i grissin. E a proposit de pess tornemm al mar.

Torni da ona località marittima (foo no el nomm per compassion) in doa el nett lassa a desiderà. E m’hinn vegnu in ment quei calambour che mi e el me pianista de allora (Augusto Mazzotti) scrivevom per primm. Esempi: “Considerato l’alto livello di inquinamento del litorale marittimo, consigliamo a tutti gli sportivi la cacca subacquea” ; “Attenzione, nei pressi di Marina di Massa sorgerà la spiaggia di Marina d’Elite.” “Il cieco non teme l’infarto, occhio non vede, cuore non duole” “Il verme solitario si è offerto di far da guida all’intestino cieco” “ quando il tempo stringe, fa un male della madonna” “ si avvertono gli anticlericali che pio bove non è un papa” “Attenzione… accanto al convento dei Cappuccini sorgerà tra breve il monastero delle brioches” “Ritorna a casa affamatissimo, corre in cucina, apre la dispensa e trova… i fratelli Fabbri” “Il premio Nobel per la pazienza è stato assegnato ad un vecchio biliardo di periferia. Motivazione: sono trent’anni che gli fanno girare le palle” “Venezia: Il giovane regista impegnato, per la sua opera altamente satirica, si è servito di una macchina da presa per il… i fondelli”. Frasi pubblicàa (1972) nel liber me e del Mazzotti “Meglio bastardi che mai, dal diario di un cane” e l’editor, sarà su da temp, el gh’ha giontà “sporcaccione” per question de vendita, l’ha dit.

brivio.roberto@yahoo.it