La prima guerra mondial

Milano, 23 marzo 2018 - Ogni settimana lo sguardo di Roberto Brivio affilato in decenni di satira, esercitata come attore, scrittore e chansonnier, illuminerà angoli della Grande Milano di oggi: i suoi vizi, le sue virtù e soprattutto la sua gente, da raccontare con irriverenza e tenerezza, come sa fare lui. E in lingua madre: il dialetto milanese.

Hoo ricevù on invito dal scior Tognoli (el ciami inscì perché l'è stà on “scior” sindich de Milan) a l' Inaugurazion de la Mostra Storico-Documentaria curada da Barbara Bracco e coordinada anca dal Carlo Tognoli. Son andà con soddisfazion a Palazzo Morando insema a Grazia Maria Raimondi che la se spettava on deja vu e inveci l'è restada impressionada da tutt quel che l'ha podù vedè. Mi s'eri anca commoss nel trovamm visin de noeuv a personagg, compagn de partì (Pillitteri, Biscardini, perfina el dentista del Patruno anni 80, partecipanti attiv de la Milàn de bev) che in voeuna di me canzon hoo cantaa “La città che ho tanto odiato e poi vissuto la città/ la città che ho tanto amato da morir/ ora è piena di luce e… de gent che la voeur laorà”. Pensa che, Tognoli sindich, se trovavom ai primm del Teater Nuovo, del Manzoni e del Piccolo, quand el podeva vegnì cont la miee. Quatter ciaccer e peu on rivedess a on altra prima o al Consili Comunal che allora frequentavi 'gni volta che le faseven. On dì el ghe dà on appontament. Usi el plural perché gh'eren anca la Feldmann e la Sironi. El voreva parlà d'on progett che el gh'aveva in ment per l'estàa e che el doveva tirà denter propri numm per realizzall. El progett “Vacanze a Milano”, la prima edizion, e l'ann depeu la seconda. Mi avevi formà la “prima compagnia di canto popolare lombardo” che la cantava de tutt compres el risott operistic dedicaa al vin (a lato). Poeu semm andà al Liric cont el spettacol “Milanesissimamente vostri anche d'autunno” che el faseva sponda cont i rivist di ann 50/60 protagonisti Fausto Tommei e la Feldmann. Adess el “scior” Tognoli l'ha coordinà insema a Antonella Carenzi e a Walter Marossi 'sta mostra, nel centenari del conflitt. La comincia cont la disfatta de Caporetto (ottober 1917) e la se conclud cont la visita del President american Woodrow Wilson nel Gennar 1919. Per Caporetto se dis che el fronte el se fermà a la linea del Piave. Ma quella de Milan se cita no in di liber de storia. L'era, le rilevi dalla locandina in assenza provvisoria del catalogo, ona vera e propria prima linea. L'assistenza ai ferìi, la mobilitazion industrial, la gent (700 mila abitant) che la stava minga indrè ne la solidarietà: assistenza ai soldà, ospedaj specializzà che precorreven i temp de la moderna ortopedia, i Ca' di soldà (ne ricordi voeuna in Benedetto Marcello, adess gh'è ona scola) loeugh de ristoro , cà per i sordà ferì e per i familiar.

Adess gh'è el problema di immigràa, di profughi. Allora a Milan ghe n'era almen on 100.000 che scappaven da i territori in doa gh'era l'invasion del nemis. Lamentemess no, magara a contaj hinn in men. Tutt 'sto calvari me porta a la commedia che Luigi Lunari, on grand commediografo vivent, intitolada “Oh Che bella guerra”, scritta a la manera di so' success portaa al trionfo da I Gufi (Non so non ho visto se c'ero dormivo e Non spingete scappiamo anche noi). Soggetto la guerra del 15/18. Sont a drè a preparalla. Voeuri mettela in scèna in di teater estiv e conclud i rappresentazion al 4 November in vun di cortill del Monumental. L'è on lavor teatral che el te lassa nanca respirà. La gent la vegn foeura a la fin cont on odio vers i guerr pussè incisiv de mill manifestazion. Presentatore: “La PPrima GGrande GGuerra MMondiale. Sentite quante maiuscole nel pronunciarla Tutta, quanta. 17 milioni di morti, venti milioni di feriti e di mutilati! Per che cosa Una terribile carneficina per ritoccare la carta politica dell'Europa, spostare qualche frontiera. Il 90% erano militari, meno del 10% civili. Nella seconda guerra mondiale i militari morti furono il 52%, i civili il 48%. Nelle guerre di oggi quasi il 100% sono civili: donne, bambini, vecchi. Pochissimi i soldati: perchè i soldati sono preziosi; specialisti, formati con un costoso addestramento, e che quindi vanno difesi, con aereoplani, corazzate, carri armati…Una vera manna per l'industria bellica.”

Se trovaroo i danè per fall gh'hoo ona idea per la scenografia sfolgorada in del co' propri a la mostra de palazz Morando. In dermina' moment projetti i fotografii, i gigantografii, i manifest d'epoca de la mostra suj quint, sul fondal, suj soffitt che in gergo cjamon: mantovane. Fa' on mix per zoommà poeu su ona quaj foto in particolar. Gh'avarem inscì la storia, perché a hinn fotografii ver, e nel stess temp el monito. “Semm nel 2018. Attenti, se andemm avanti inscì a fa' i pirla fra cent' ann gh'avaremm nient de cuntà. Domà el disastro general. Cuntà … a chi ” brivio.roberto@yahoo.it