La copertina del disco della celebre canzone di Rodolfo De Angeli
Milano, 14 giugno 2018 - L'è de qund hoo comincià a capì on quajcoss che senti parlà de crisi. La crisi del '1929, quella de la fin de on regime, quella dell'entrada in guerra, quella della guerra, quella del dopo guerra, quella de la ricostruzion, quella del boom e quella del crac, la crisi del petrolio, quella del cinema, quella del teater, quella di fioeu, dei terremotà, de la scola, di metalmeccanich, del disco, di liber, dell'Europa, del Mond. Crisi, crisi, crisi. Gh'hann scritt anca ona canzon titolada “Ma cos'è questa crisi”: «Si lamenta l'impresario che il teatro più non va/ma non sa rendere vario lo spettacolo che dà/ “ah, la crisi!”Ma cos'è questa crisi /Ma cos'è questa crisi Metta in scena un buon autore/faccia agire un grande attore e vedrà…/che la crisi passerà!Un riccone avaro e vecchio dice: ahimé così non và/vedo nero nello specchio chissà come finirà/ah, la crisi… mmh” Ma cos'è questa crisi /Ma cos'è questa crisi Cavi fuori il portafogli/metta in giro i grossi fogli e vedrà…/che la crisi finirà!/Si lamenta/Nicodemo della crisi lui che và/nel casino di Sanremo a giocare al Baccarat: “ah, la crisi sa… capirà la crisi oh…”/Ma cos'è questa crisi /Ma cos'è questa crisi ».
Gh'ho trascritt domà 'na part perché voeuri minga portà via tutt el spazi. L'era domà per dì che de crisi s'en parla dai temp del cinqcent e codega e quand el pareva che la fudess finida gh'è semper stada ona ripresa, tant per dà reson ai menagramm, a chi el voeur contrastà ad oltranza. Parlemm no poeu de la crisi del teater. Per queivun l'è on gioeugh pervers ch'el seguta a cress. Disen tucc che voeuren alter dotazion, vess sovvenzionà in manera diversa, cont i numer pussè alt. Nissun el dis de moderà i spes, de pagà de men i attor e i cantant primari, de spend men per la missa in scèna, de vess regolar cont i contributi previdenzial. Ghe l'hann su tutti cont la Siae. Disen che hinn lader. Ma chi scriv testi e musica el gh'avarà ben el diritto de mett in saccoccia on quajcoss. L'è tropp Sbassemel! Ch'el poda vess a la portada de l'organizzator e dagh all'autor e al compositor quell che darissen a Cesare. Insomma la tendenza l'è semper quella de criticà, de voeurè piazza sgurada (pulita) con tucc. Ghe dev vess semper on quaidun che el ghe smena, se de nò (altrimenti), el critic l'è minga content. Mej che te smenet ti che mi. E inscì se va avanti, cont quaivun che nel caos de la situazion el se mett in del portafoeuill ona quaj banconota. Ma cos'è questa crisi Ma la sarà minga on vezzo Gh'è semper de fa' la fila in tutt! Come l'è la storia che l' incass el basta mai.
Te fett 70.000 personne a S. Siro e te guadagnet domà 7000 Euro, quand la te va ben. Te fett i pieni all'Arena e te gh'et no i danè per pagà i professor d'orchestra che anca se vanzen danè arretratt accetten semper perché in 'sto mestèe gh'è el lustro, la soddisfazion, i applausi che al moment te appaghen ma che dopo paghen no. E allora per risparmià se inventen i premi da consegnà a i meritevol e anca a quej che meriten nient. Ma sta cultura la paga Giri la domanda a Enrico Intra che senz'alter ne sa pussè de mi. E intant che spetti la risposta leggi l'ultima strofa de la canzon che, ve prometti, la farà part del me prossim album. MA COS'È QUESTA CRISI di Rodolfo De Angelis - 1933 (finale) Si contenti guadagnare quel che è giusto e non grattare e vedrà… che la crisi passerà! E perfin la donna bella alla crisi s'intonò e per far la linea snella digiunando sospirò: “ah, la crisi… oh signora la crisi” Ma cos'è questa crisi Ma cos'è questa crisi Mangi un sacco di patate non mi sprechi le nottate e vedrà… che la curva tornerà! Ma cos'è questa crisi Ma cos'è questa crisi Chi ce l'ha li metta fuori circolare miei signori e chissà… che la crisi finirà!