Marta M. Marangoni
e Fabio Wolf*
In del settember del 1980 la ne saludava
la gran cantant e attriz Milly, pseudonimo de Carla Mignone, nassuda in quel de Alessandria, ma milanesa de elezion.
Granda, atletica e artista mai stracca, l’era considerada ona diva de L’Italia intera.
Lee la se vestiva de chiffon negher e la gh’aveva semper la sigaretta in man, anca quand la cantava Stramilano, in del famos 78 giri del 1929.
Cont i sò fradej la fa su on trio de avanspettacol e in del 1931 Mitì, Totò e Milly riven financa al Lirico de Milan.
Milly la fa girà la crapa a tanti omen de grand levadura: De Sica, Soldati, Umberto de Savoia.
El giovin Pavese la ghe scriv giò ona tenera letterina de amor.
La diventa famosa cont la canzon “Violino Tzigano” che ai temp del fascismo l’era considerada ona provocazion e lee la voeureva minga recità cont Cinecittà infestada de “aquilon”.
E “Violino Tzigano” la fa volà in America in del 1949: la canta a New York e la recita a Hollywood.
In di ann Sessanta la torna a Milan e chì incontra el Strehler che le ciappa per L’opera da tre soldi al Piccol Teater.
La fa anca Milanìn Milanon al Gerolamo cont l’Enzino Jannacci.
E poeu cinema, radio, television.
Bertolucci, Lattuada, Mina, Luttazzi "come nei mille, mille, mille, ritornelli diMilly". La soa vos roca, profonda e pastosa la cuntava l’anima de ona donna padrona della soa femminilità e di sò sentiment. On’improvvisa triste dolcezza. La leggenda de Milly.
Per ricevere le notizie selezionate dalla redazione in modo semplice e sicuro