La Prefettura di Milano
Milano, 14 gennaio 2020 - Me telefona l’amis Pietro Panebianco per dimm che el Ministero dell’interno l’ha tra’ in pè on avviso pubblico che l’invida i Prefettùr a presentà propòst progettuali. La circolar minga contenta della “premessa”, di “considerato”, di “visti/o”, di “tenuto conto” e di “tutto ciò premesso” la parla de sperimentazion, de complementarietà cont i azion ligà a la promozion del laor. Voeren attività de auto-recupero di abitazion de on quartier satellite, de Pioltell, che ciappen denter i abitant. Voeuren progettualità che favorissen percors de autoimprenditoria local.
Quand te legget on bando del gener te ven voeuja de telefonà in Prefettura per avegh ona quai spiegazion. Te fet el numer stampaa a la fin. Risposta: “ch’el guarda che gh’è scritt a pagina dès, di domand se deven inoltrà via mail all’indirizzo PEC entro e non oltre el 7/1/2020.” “Mi sont entrà in possess del Bando mercoldì 8” “E a mi? Sul bando gh’è scritt entro e non oltre el 7/1/2020? Anca se mi savessi quel ch’el domandarà, sont minga autorizzaa” “Ma guarda ti che roba. Voeuri domà savè on quaicoss circa el ginepraio de paroll . E cossa l’è el FAMI? Podarissen vess pussè cjar ‘sti benedetti Avvis? «El soggett selezionàa per la Promozion del Laor sarà contattàa per l’elaborazion de la proposta progettuale condivisa, da candidà entro e non oltre il 28/2/2020.»
“ Pussè cjar d’inscì?!” “ El me ciappa per i fondell? Ma se in la Busta B che se dev portà all’offizzi corrispondenza per el quindes ghe voeuren dent i progett cont i costi e ona relazion estesa? L’andaria tutt ben se ghe fodess minga quel “candidàa” che me rovina la comprension. Se sont mi el Candidàa cossa l’è che gh’è de candidaa.” “Lu el dev partecipà al bando informaa”. “Domand che riguarden alter argoment che gh’entren no cont el bando, podi faghii?” “ Se gh’entren no cont el Bando perché el voeur fa’ i domand? E poeu, che domand? “ “Per esempi se gh’è on servizi per … si.. insomma,,, l’ha capii” “ No, hoo capii nient. Per? “ “ Le voeur savè? Niente da fare. Hoo sarà su el 7/1/2020! Entro e non oltre.”