On duell da morì del ridd

Tra verità e finzion ona sfida con l’Alberto Patrucco

Totò

Totò

Milano, 5 aprile 2018 - “Mi e ti, semm in duu/ perché nofass in trii/ squas in gara a inventà/humor & comicità/ ti coj lapidi e mi/ coj canzon cimiterì?” E inscì cont questa inviada de canzon e on para de licenz poetich, hoo telefonà all’amis Alberto Patrucco (quatter liber Mondadori ai spall e se hinn cinq o ses, sont restà indrè) per fa on duell de ridd, minga sui mort, ma sul mortuari. Tutt l’apparato macabro-cimiterial, l’ha fa’ balà l’oeucc su l’outlet intes come vaccada che usen tucc per vend. El mèrit de quel termin l’è de avegh dà coragg alle pompe funebri de pubblicizzas desquattaa, senza scagg, superstizion e spingess a fa’ l’insubì (offerte) pussè stramb: compra’ duu pagand vun, prenota’ prima per avègh el scont de peu, prezzi adeguà a quii di supermercà: 1099, 2399, 3499. Squas on “Bare e Sofà, comprii de mi che gh’è la qualità”. Gh’hoo dit al telefono: se se mettom insema spaccom el c…no, tropp hard; spaccom i os…, no dovaressom tirai su da terra; spaccom la tes…no, i cachet costen tropp; spaccom e basta.

Del rest ti, Alberto, t’è spaccà per ona vintena d’ann el co’ di italian, teleimpastaa, con i to’ raffront politich, cont i to’ deduzion, paragon, commiserazion, considerazion, deduzion, commistion e mirabolanti ideazion! T’è fa sganassà d’on ridd intelligent i concatenzion tra la politica e la vita, tra i nomm i cognomm e ‘i gnomm (nann) che imperversen a Montecituar, al Senà, in di Region, e ai comand di levv del podèe, quel ch’el vacabolari l’indica come «vèss lecit, vèss possibil», qualità che, mi credi, nissun di potent el voeur mett in pratica, e inscì el podèe el diventa ona lapide con scritt “L’ha fa’ de tutt per ingrassa’ i so’ interess”. Ma ti che te set el re di definizion te n’è faa di lapid! Fann ancamò ona donzena. Mi intant scrivi ona canzon noeuva per la gent che organizza, frequenta, esalta i funeraj, i cortei e i Camp che inveci de desdott bùs ghe n’hann mila (1000) e pussè. Ma chi l’è l’Alberto Patrucco? Mi l’hoo conossù nel 1976/77 quand, finida l’epopea de I Gufi, hoo comincià a fa’ i trasmission per Radio Milano International, la prima radio privada che la faseva i programm in via Vittor Pisani, davanti al grattacù che el stà in via Tunisia al canton cont appunto la via che porta a la Stazion Central.

Me se presenten ona mattina du giuvinott che disen de cantà i me canzon cimiterial. Vun di duu el se ciamava Alberto Patrucco, l’alter me recordi pu el nomm. Patrucco l’è quell che el gh’avù l’idea de cantà no canzon, ma recità cont dovizia de particolar la barlafuseria de la politica grottesca che gh’èmm. Dopo on quaj ann el se fa notà fin a rivà, gavetta dòpo gavetta, a Zelig e fass cognoss da tutta la Penisola, Isol e visin de Stival. Da lì i liber. Mi ghe n’hoo duu: Tempi bastardi scritt cont Carlo Turati e disegn de Vauro, 2003, ediz. Mondadori; Vedo Buio scritt cont Antonio Voceri, 2006 ediz. Mondadori. L’è in quest’ultim che l’Alberto l’ha comincià el so’ Lapidario. El scriv come primizia “Sulla mia pietra sepolcrale voglio che ci sia scritto «Ve l’avevo detto che non mi sentivo molto bene».

E poeuel va’ avanti cont riferiment ormai passàa perché la gent a la qual se riferiven l’è squas tutta morta tranne che Antonio Fazio cont la lapide “Non mi dimetto lo stesso”, Giulio Tremonti “ Non mi tornano i conti”, Francesco Rutelli “ Avrei messo un’altra foto”. Intanta, vist che hoo parlà de gara gh’avaria de tirà foeura i me macabro-intervent. A fann part del me terz liber scritt con Augusto Mazzotti dal titol “Meglio Bastardi che mai dal diario di un cane” 1974 ediz. Williams copertina di Ferruccio Alessandri, trentaduu ann prima cheMondadori ciappass in considerazion la popolarità del Cabaret e el so’ umorismo: “ Il cadavere girava per il quartiere senza rivolgere parola ad anima viva” “Quando i cadaveri sono carbonizzati il compito dei soccorritori è finito” “ In breve la disgraziata fu ridotta a un mucchietto di ceneri dove scoppiettavano sinistramente le ossa calcinate. Un medico ne constatò la morte” “ Ieri mattina è stato trovato nel Tamigi il cadavere di un’ottuagenaria: Non sembrava in possesso di tutte le sue facoltà mentali” “ In seguito ad un tragico scontro con un tram un carro funebre si è ribaltato nel Naviglio. Gli occupanti sono illesi.” La particolarità? L’è che ‘sto frasarium l’è ver. A hinn refusi di giornal. Titol sbagliàa, come “Il bambino nato con due teste sembra normale” “Prima di morire la donna senza testa era andata dal parrucchiere” “Fabbrica dinamite cerca operaio. Spostamenti rapidi.” “È morto un omino, seppelliamolo in un tombino”.

Adess tocca a Alberto Patrucco, che l’è quell che l’ha scritt “Bombardare per la pace è come trombare per la verginità” “Le bombe intelligenti? Sì, ma se poi chi le tira è un pirla?” “ Sgarbi? “Un uomo col cervello perennemente in erezione” Le Banche? “Tra Cassa rurale e Cassa Artigiana, non c’è dubbio, scelgo la Cassa artigiana perché è fatta a mano.” Religione? “ Tra i comandamenti il più infelice è il nono: Non desiderare la donna d’altri. Cosa vuol dire donna d’altri? La donna è della donna. Cosa c’entrano gli altri? La donna non è un possesso. La donna possiede se stessa: è sua. Ha il codice fiscale, la Partita Iva. Ha sempre avuto le sue cose. Che male c’è a desiderarla? Mica ci minaccia. Uno che desidera la donna d’altri, non cucca perché è di altri. Va in bianco. Ha già pagato pegno.” Voo avanti a duellà. In ponta de spada. Offerte di lavoro: “Cercasi segretaria stenodattilo sperimentata, capace iniziativa, possegga possibilmente due lingue.” “Notaio cerca avvocato, uomo o donna, o suscettibile di diventarlo” “Cercasi uomo serio e onesto, due volte la settimana” “Usate profilattico Laytex: mollezza, sensibilità, permeabilità, estensibilità fino a m 1,25”; tema in classe, la buona azione quotidiana “ Il bambino aiutò la vecchietta ad attraversare la strada, ma poi siccome lei era stanca la sedusse sulla panchina”. Al sentì ‘sti battud che fan part de on repertori ripetù per 50 ann el me parla del so’ liber sui lapid. “A proposito di “Necrologica – Un libro lapidario”,corre voce che ce ne sia una copia in Amazon, per il resto, non so se sia ancora in commercio..(La copia custodita al Museo della Scienza e della Tecnica, più che a ruba, è andata rubata.) N’hoo trovada voeuna al Monumental. Se te interessa?!

Beh, mei d’inscì? Sembren noeuv de pacca. Speri che se incassen no. Del rest, leggii, l’è come slongass la vita. Quand hoo comincià a scriv i canzon cimiterial credev che a la gent ghe piasessen minga. Sì, on quai pirla, superstizios el gh’è staa. L’ha anca rott i ball mettend el veto a mi e a I Gufi per la radio e la television. De peu, on quai mes fa, on politich l’ha comincià a verbalizzà ( trasformà in verbi) el noster nomm: Gufare, Gufarsi, Gufeggiare. El credeva de vess furb. El saveva no che el Gufo el porta fortuna e che l’è l’unich animal cont i oeucc da Gufo, ch’el fa’ i vers del Gufo e ch’el canta Cimitero raccapriccing, La Ballata del piazzista di Bare, Scheletri Beguine, Lamento d’Amore, Cipressi e Bitumi...da Gufo. El Patrucco l’ha intuì el gioeugh, el s’è miss a fa’ i lapid come pendant. L’ha fondellà (ciappà per i fondej) l’Italia intèra. Se voeurì andà a vedel al Teatro Menotti, el ghe sarà el 4-5-6 Magg. Titol: C’era una svolta. Me raccomandi, obbligatori saludall da la sala cont on applauso de sortida de almen 5’ e 15’ de sarada. D’accordo? brivio.roberto@yahoo.it