raffreddore
Milano, 26 novembre 2020 - Gregorio... “Francesca” “Te sentet no, on frescolin?” “Si, Francesca. L’è minga frecc. L’è umid.” “Inscì femm on bell broeud” “Francesca, te se mettet a drè a fa’ la cabarettista?” “Perché, Gregorio, se po’ no? Vist che gh’hoo anca mi el potenziale comico?” “Adess voeuri vedè cossa te tiret foeura quand rivom da la Ginetta.” “Gregorio, toccom no la Ginetta eh?! Una sorella.” “Guarda Francesca che, l’hoo sentida mi al telefono, la gh’ha el freggior, il raffreddore.” “Ma no. L’è la sinosite cronaca.” “Cronica, Francesca, cronica.” “Va ben che cont i temp che corren la sinosite la po’ vess on sintomo.” “Ma no, la gh’ha minga la fever. On po’ de toss. La reson? Gh’è el riscaldament in crisi.” “Come in crisi?!” “Nel senso Gregorio ch’el funziona sì e no. Quando? Non si sa. L’è giamò on para de settiman che gli inquilini di via Spaventa soffrono e si… spaventano.” “Gh’hann paura de ciappà on quaicoss, Francesca.” “Magara ona polmonite virale, bona de portat tra i santi.” “Pregom che la sia no inscì. Ti Gregori ti e preghet mai?!” “ I santi si venerano, Francesca.” “Dill ai fedeli de Sant Antoni, de Santa Rita, de San Carlo, de Sant Ermenegildo, de San Riccardo Pampuri.” “Chi l’è ‘sto sant. L’hoo mai sentì.” “L’era on dottor. L’è el sant per i malaa. Me l’ha dit la Ginetta.
La Basilica in suo onore l’è a Trivolzio, Pavia. Ferma la battuda, Gregorio, la sarìa tropp facil.” “Chissà quanta gent le prega in ‘sti di de pandemia crescente.” “Sono i fedeli che si rivolgono perché impetri.” “Uei, Francesca, stai verbalizzando?” “ Sì, Gregorio, mi piace acculturarmi.” “E la Ginetta t’ha mai dit se gh’è anca on santo per el riscaldament?” “Quei hinn minga Sant, Gregorio. Quij hinn dirigent che se fann mai trovà propri quand dovarissen ordinà ai foghista de giustà la caldera, specie nelle case popolari.” “Francesca, scommetti che i foghista gh’hann paura de ciappà el virus.” “Guarda Gregorio, che la paura fa’ novanta in tucc, e, senza riscaldament, la se trasforma in toss.” “ Te me fa’ vegni in ment quel tizio che l’ha telefonà al dottor cont ona toss de la malorsega.” “ Ehi” ghe fa’ el dottor “ che bella toss che te gh’et” “ Eh, per forza, l’hoo provada tutta nott!” “Ahh!Ah! Gregorio, adess te set ti a fa el cabarettista!” “Sì, ma chi gh’è la classe. Roba che la manca a ti.” “Gregorio!” “ No, Francesca, hoo scherzaa.” brivio.roberto@yahoo.it