Coronavirus
Milano, 1 novembre 2020 - Francesca… «Sì, Gregorio» «Còssa te penset de la situazion?» «Gregorio, pensi che l’è on bel rebelott» «Ma se voeuren, Francesca» «Laorà. Gregorio» «Quindi nient de fa per el noeuv dpcm» «No, Gregorio. Gh’è de fa’ tutt» «In che senso, Francesca?» «Per osserva’ i regol, laorà senza contrastaj, guadambià per podei spend, cercà on quai moeud per metten via pussè che se po’» «Ammiro il tuo attaccamento al risparmio, Francesca» «Come se fa a savè de vess in su la strada de ciappà el Covit 19, Francesca?» «Prurito alla gola, gola secca, tosse secca, alta temperatura, difficoltà di respiro, perdita di odore e gusto» «Basta così, Francesca. Gh’i hoo giamò tucc indoss» «Cossa Gregorio?» «I segn del Covid. Sto mal! Gh’hoo on raspin che l’è squas toss» «Te l’avevi dit anca in Gesa, Gregorio, mettemes no visin a la fessura de la porta» «Ma se l’era averta tutta!» «Per fa’ andà foeura i spòr ross» «L’era minga mej, Francesca, serrà su per fai minga entràa?» «Te fet domand come a la Television, Gregorio»
«E che rispost dann i virologi che quand pontifichen se stimen slargand la bocca, Francesca?» «Veruna, Gregorio, veruna. Domà ona gran confusion» «A mi me par che la sia cjara. Gh’è on infezion che datosi la divulgazione l’è cjamada pandemia? Sì? E allora curemèla» «È arrivato Zaratustra. Quell lì de curala le saveva anca quell ch’el mena el gess» «Quell che mena el gess, el magutt, gh’è pu. Gh’hinn i grù per porten chili su chili de malta, de medon. E chi i e guida l’è on specializàa. Portator de meda» «Gregorio! T’è dismentegà la consonant» «Meda, Francesca, mucchio di mattoni»
«Gregorio, la metten per fermà el virus?» «E la mascherina, e i man, e l’assembrament, e la distanza, e i ristorant derbì domà fina ai desdott che hoo ancamò de capì perché, e i cinema teater serrà come se fodessen i dispensator de contagg, e i ospedal pien, i mort che san minga se hinn mort de alter patològii o de corona virus, el personal medich vestìi che svestiss per fa’ on bisogn l’è on tribuleri e allora mej el pannolon, e la gent che la parla del virus, al bar de mezdì, perché quell de la sera l’è sarà su, come se parla del calcio e invece de i calciador, nomina i dottor. Scommetti che finì el borineri quaivun el disarà che “se stava mej quand se stava pesg!”» «Gregorio!» «No, Francesca , hoo scherzà». brivio.roberto@yahoo.it