L'educazion in de la ruera

Marciapé sporch? Semm i primm a sporcà

Un operatore Amsa racoglie i rifiuti abbandonati sul marciapiede (NewPress)

Un operatore Amsa racoglie i rifiuti abbandonati sul marciapiede (NewPress)

Milano, 2 luglio 2019 - Ogni settimana lo sguardo di Roberto Brivio affilato in decenni di satira, esercitata come attore, scrittore e chansonnier, illuminerà angoli della Grande Milano di oggi: i suoi vizi, le sue virtù e soprattutto la sua gente, da raccontare con irriverenza e tenerezza, come sa fare lui. E in lingua madre: il dialetto milanese.

Se ve scrivi incoeu Di cartasc che i turist lassen in terra inveci de s'giaccai in del cestin porta ruera Dal moment che sont diventà brontolon perdoni no, l'alter dì n'hoo fermà vun che el s'era mis su on de quej pilon che metten de solit per romp i ball a tucc quand voeuren bloccà on marciapè. El tira foeura dal zaino, miss in terra a fa' da taola, on panon, le poggia su on tocch de scottes, el taja el pan, le impieniss de giambon tirà foeura da ona busta preconfezionada, ghe mett de sura ona fettina de sottiletta de formagg toeu via a fadiga da la soa carta ed ecco che l'è pront el sanguiss. Inveci de mangiall sentà giò el s'è mett sui spall el zaino e el fa' per andà lassand sacchett del pan, confezion plasticada del giambon, carta de la sottiletta, in terra visin al pilon. Le fermi e ghe domandi: itàlian o stranger El me rispond in tedesch intant ch'el mangia: spreken doicc Ghe disi in tedesch milanesizzaa: Cartascen per terren, se sporchen inscì i voster straden El me rispond: Our strasse Nein. We impared da vualter. Avevi mis in funzion el telefonin a la mansion de la traduzion simultanea. “Imparà da numm!” Capì I turist imparen da num. A fa' cus'è A sporcà!

A la stazione del Metrò de Cologno Nord, sotta la scalinada gh'è minga men de dusent cicch, pacchet voeuj, bigliett usà, pagin de giornal. La scala l'è on loeug de conversazion. La gente la se ferma se gh'è' tropp sol, se gh'è vent, se gh'è pioeuva, se venn ona sluscia all'improvvis, ma anca a fumà e a cicciara', inscì per passà el temp. Girà el mur a 50 cm. de distanza ghè on cestin porta ruff. In terra gh'è de tutt, in del cestin nient. Bah, sont stuff de tirà a man robb che riguarden l' educazion de la popolazion, perché l'è vera che i strad hinn minga nett, l'è vera che de spess l'Amsa o alter società, in alter città, vegnù foeura da la gara d'appalt gh'hànn dipendent ciamà operatori ecologici senza la voeuja de nettà se veden sporch, che i vigil multen domà per la sosta in post che se sa no doa mettela, 'sta macchina (e i post obbligà per i disabil, e quej del scarich e carich, e i porton cont el pass carrabil, e la sosta a dì alterni ma domà in doa gh'è el bleu e anca lì a orari, e i strisc giald di resident, e i delimitazion per i lavori in corso, e i cartej dell'asporto per 24 or de fila) l'è vera che i giardinett, i rotond, i alber di marciapè, hinn pien de cartasc, de tollin, de bottilli de birra a metà (quand la diventa calda la sembra pizza e allora la lassen davanti ai negozi, sui davanzal di finester, al tombin de scarich) de ruera tirada giò dai portacener, l'è vera che vivom in mezz al sporch, l'è vera che la gent la usa post impensaa per impientaa discarich abusiv, ma malgrad tutti i 'l'è vera' che hoo elencaa, e ghe ne sarien tanti anmò, e tutti i tentativ che hann faa per redù 'sta maleducazion, par che i noster città e praa sien semper pussè sporch. Ma voeuri minga esagerà cont la pedanteria e allora passi a i aneddoti e i story che hoo trovà nel liber “Attenti al Gufo” de Roberto Brivio e trascrivi per concession dell'editor Meravigli. Gh'entren nient cont l'immondizia a men che vegnen considerà sporcizia perché parlen del sesso. Chissà perché l'hann comparà a la ruera. Se sent dì: El sesso l'è sporch, el sesso l'è mal, el sesso l'è 'na dannazion. Certo che se tiremm foeura la storia de quella sposina che al primm dì del viagg de nozz la telefona a la mamma per dighi… “ Mamma Giorgio l'è on moster. E s'è rivelaa on essere brutal, infame. Serom a drè a fa' l'amor, quand hann piccà a la porta de la nostra camera. E lù el s'è alzaa per andà a derbì” “ T'ha lassà in asso sul lett ” “ Magara! M'ha portà cont lu”! … podom dì che l'è minga rose e fiori. Quand el famos attor Gianni Santuccio insema a Lilla Brignone l'ha miss in scèna “Le vergini di Salem” girava 'sta storia che la parlava de strii. … Hinn duu. A hinn stà impalaa. El legn el penetra in di corp. Vuna la dis”. Devi andà dal dentista” e l'altra “ adess me par che te esageret cont i divertiment.” … L'è quasi de class come l'è 'sto proverbi milanes osèe: “L'unica soddisfazion di poveritt l'è de voltà i ciapp al soffitt.” On alter “ Per ona sposa vegia e on omm giovin l'è dura. I fioeu riven nanca per paura. Inveci donna giovina e omm vecc… fioeu fin sora el tecc”.

A dispètt del detto gh'è la canzon popolar: “La ciappa la cadrega e la si sedè/ e la se mett a piangere et a sospirè/ Perché te pianget o figliola cara/ quando quel vecchio si morirà/ ti te saret padrona dell'eredità/ Giovani coi giovani e vecc coi vecc/ i giovani coi vecchi no non è l'amor/ e mi sposà quel vecchio sì l'è on disonor/ Si si quel vecchio io lo sposeria/ per far contenta la mammina mia/ si si quel vecchio io lo sposerò/ ma mi in lett insema ghe voo propri no”. E se dev minga dà a trà ai ciaccer di omen sul numer di volt e la potenza. Gh'è on proverbi che el tratta l'argoment “Bon de lappa, scars de patta”. Se poeu vorarissem stabilì on principi, tegnì a ment “I giovin vorarissen vess fedej, ma hinn minga bon/ I vecc vorarissen on quaj infedeltà, ma gh'hann pu la forza per provà”. E ancamò: T'è vist Gh'è vun ch'el guaris tutti in television.Vardel lì. “Et ecco a voi io fare crante esperimenta di cuaricione.

Voi mettere mano sul viso e mano su la parte malata e contare con me uno… due… “ma cossa te fett cont ona man in faccia e l'altra là… in bass… insomma…là” “le drè a dill el mago” “ Tesoro, el mago l'ha parlà de guarì i malà, minga de resuscità i mort”. On confront: “Prima de mettes a giugà sul lett on biccer de bon vin ” “Te me leggiù in del pensee. Prosit.” “ Come te le troeuvet “ “ Piccol per la soa età. Ma el se farà” E giò in la solita lotta da kama sutra. A la fin. “Come te le troeuvet ” “Nano. E gh'è minga possibilità de migliorament perché l'è propri li' che el dev sviluppass.” Estaa: “Come t'è faa a incòrges che intant che te set stà via la toa miè la te tradiva ” “ Sont rivà, l'hoo brasciada su, l'hoo portada in camera da lett, l'hoo sbiottada e ghe sont saltà adòss cont tanta furia che la ret la cigolava. Allora hoo sentì vosà travers la paret “ Piantèla lì cont 'sto casin almen in di week end”. Ecco. In ona mattinada umoristica o in ona cicciarada pomeridian o in ona zena, podìi cuntala su e fa' bella figura. Se de no basta trà via tutt in la ruera. brivio.roberto@yahoo.it