Una corsia d'ospedale
Milano, 30 settembre 2020 - M' hann mandà on racconto-cronaca che dimostra la confusa organizzazion di ospedal. Tizia la gh’ha de fa’ ‘na colonscopia. Ghe fissen l’appuntament, mes fa’, per Lunedì 7 Settember al San Raffaele. La nott del venerdì 4/9 ghe vegn: fever, mal de stomigh. Sabet cjama la Guardia Medica che ghe dis de ciappà la tachipirina e informà el Medico di Base. Domenega 6/9 la fever la gh’era pu, al so post spossatezza general. Intant la cerca de fa’ la cancellazion de la colonscopia, nissun ai numer indicaa e ditteggià almen des volt in la giornada. Lunedì 7/9 la telefona al Medico di base che ghe prenota el tampon al San Raffaele, per Giovedì des. Al marì de la sciora ghe ven in sul brasc ona smagia. La podaria vess, disen, sintomo del Covid. El Medico ghe ordina anca a lu de tamponass. Ghe prenoten el San Paolo per Mercoledì 9/9. A lu responso en 72 or, a lee ghe disen: “se ghe telefonom no entro el dopodisnà l’è negativa”. E intant la storia de la colonscopia la va avanti. Fan casin, risulta che gh’hann fa el tampon in funzion de on ricovero e gh’hann cancellà la tamponada ordinada dal Medico di base. Quaivun ghe dis che la finirà col pagà ‘na fattura de 130 euro. A la sciora ghe ven el dubbi che se la paga no, ghe disarann mai se lee e el marii hinn positiv o negativ. Supposizion sbagliada. Domeniga 13 San Paolo e San Raffaele telefonen no, ma Lunedì lee la va’ a ritirà el referto: negativo. A lu, inveci, ghe telefona el dottor de famiglia. Negativ. L’è tanta la contentezza che desmenteghen i cruzzi. Final allegher (lieto)? Sì.Ogni tant la vita l’è on arcobaleno.
mail: brivio.roberto@yahoo.it