La fiera di San Faustino
milano, 9 febbraio 2020 - Gh’avevi faa ona citazion su Leonardo in l’articol del Giovedì che l’ha sollevà on vespee. Hoo ricevù ona donzena de letter tra i qual voeuna de Angelo Vendramel che me correggeva i error de la scrittura milanesa. Mi i e gradissi perché sont minga on erudito El linguagg che adoperi l’è quell de tutti i di. Inscì riessi a parlà de argoment divers e a discutii come se trattass de scriv in italian. Sta’ volta però voeuri riprend on discors che hoo iniziaa e pientà lì per parlà del festival de San Remo. Voeuri rispond al traffic de e-mail, de letter francobollaa, ai domand, ai telefonad, ai conferenz, ai pontèll combinaa su la question de la Cittadinanza Onoraria a Leonardo da Vinci, datosi che el Comun de Milan el par restìo. El me amis Giovanni Bortolin del Caffè letterari Lionardo’ Corner Gogol’ostello de via Chieti vun, l’escogita ona idea depos l’altra per riessì in la impresa, ma par che ghe faghen orèggia da mercant. E allora ghe voeur ona soluzion che la crea rùmors, come disen incoeu, che la genera ciaccer, che la metta sotta i oeucc di spècimen comunal, provincial (pardon cittàmetropolitan) l’esigenza de ona tal operazion. E, mi ragionand a la mia manera, suggerissi de fall con l’unich mèzz che me vegn in ment: el Teater. Mettemm in scena on musical. El titol? Giamò depositaa. “My fair Sciora” in doa la Sciora l’è la città de Milan. E i cost? Pront anca queij. E minga mastodontich come i Musical faa in Italia con licenza stranger. Ragionevol, inscì de recuperà el foeuj paga e l’ammortament de tutt cont “prezzi umani”. Loeugh de fall? El Liric, se se deciden a finill, el Castell per tutta l’Estaa, el Teater Burri del Sempion, perfina al parco Ravizza in doa la regina l’è la bissa la bissa la bissa. Capii? Cont i ideii se po’ fa de tutt. Varda lù! L’ha inventà el mond! E voeurom minga dagh la qualifica de “Cittadino Onorario” ?