Un paio di scarpe
Milano, 3 gennaio 2021 - Gregorio…” “Si, Francesca” “Adess ch’hinn passà i fest come te se sentet?” “Come tutti i ann, a boletta, Francesca.” “Ma se te me regalà on golf comprà al supermercaa. El gh’aveva su ancamò el prezzi e el bigliett cont scritt ‘occasione’” “L’era quanto la ditta, cioè il sottoscritto el gh’aveva a disposizion, Francesca” “cinq euro, Gregorio.” “È il pensiero che conta, Francesca, del rest ti cosa te me regalà?” “On bel para de scarp, Gregorio” “Comprà dai cines in ona svendita, Francesca. Sont andà a ‘l 28 dodes dell’ann passaa a vedè se gh’era on numer pussè piccol. Mi gh’hoo el 43 e ti t’è comprà on 45.” “L’era per fa’ sta’pusse’ comod i to’ pè, Gregorio. Tu non apprezzi le gentilezze.” “Sent Francesca, se doo numer pussè te paren ona gentilezza pensa ai saracch che tiraria camminand cont on 45 al post de on 43.” “Te set andà a vede? T’è trovà el to’numer, Gregorio?” “ No, Francesca.” “E allora te ghe mettet denter on para de solett, in ponta on po’ de carta come se fa per i capell quand hinn largh, e via che te camminet.” “Ti è pagà vott euro? I e regali a on quaivun chel gh’abbia almen el 44. El mestèe che te suggerisset l’andarà mej per impienì on numer.”
“Oh, come la fai lunga, Gregorio. Con i problemi che gh’èmm, te se impuntet in on numer de scarp.” “Duu numer Francesca, duu!” “E va ben, duu numer. Del rest duu ann fa’, 2019 per l’esattezza, te m’è regalà ona camisetta che ghe stavi denter trii volt.” “ L’era on’occasion, Francesca. La vegniva via per nient. Hoo pensà che te sariet ingrassada.” “Ma ti te sett matt, Gregorio. Mangi no per superà minga el peso forma e ti te vorarisset che ingrassassi. Vade retro. “ “ Ona volta se usava, Francesca, te se ricordet el ridicol matrimoni? …L’era grassa come on boeu, che de l’uss la passava no./ Fin che rusa e rusa ben/ hann reussi a rusalla dent/ L’ha comincià ‘sto gran donon/ tràa foeura la scufia capell e spinon/ traa foeura la scufia e l’inviada/ uei la gh’haveva la crappa pelada/ La gh’ha i oeucc fosch fosch/ la ghg’ha el nas che tira i mosch/…” “Non è il mio caso caro popolar singingh.” “ E poeu la gh’ha el stomich ch’el par on teccett/ e per impienill ghe voeur el buffett. “ “ Te set on busiard.” “…Oh giovinotti turnè indrè/ se gh’hii voeuja de toeu miè. Demm a tra mi fii ‘na roba precisa guarden ben quand l’è in camisa” “Gregorio!” “No, Francesca, l’è la canzon popolar!”