Roberto Brivio
Milano, 10 novembre 2020 - T’è per caso leggiù el giornal de Domenega, Gregorio? “L’hoo faa passà pagina per pagina, titol per titolo, riga per riga, ma domenega, però” “Te se recordet de quella notizia che la riguardava i lusiroeu?” “Quella me la ricordi no. So che ona cassina de Milan la organizza ona festa propri di lusiroeu on para de volt all’ann e invida tutta la popolazione, quand gh’è scur.” “L’è per quest Gregorio che i e cjamen lusiroeu. Perchè se metten in mostra quand gh’è scur, e che mostra! Biott, coi respingent foeura da la camisa...” “No, Francesca, famm capì. Quella Cassina invida la cittadinanza a vedé i p…” “Ssst. Lassa stà’ la nomenclatura. Gregorio. Se metten in speggina de per lor perché se no diventen ingattiatris, adescatrici.” “Ah, Francesca, s’eri lontan da quel laorà sociàl. “ “E anca sòcial, Gregorio, perché adess fann tutt per telefono” “Come, tutt? Anca...” “Alto là, non esprimerti oxfordianamente. Basta el concett.” “E va ben ma se se tratta de...” “Gregorio! Cossa te seet ti d’in doa vegnen, che vita avarann fa’ prima de tomber.” “Cossa l’è tomber, Francesca?” “ Gregorio, prima de borlà denter , cadere, tomber, en francais.
Tra esse, magara, gh’hinn donn che hann studiàa, che gh’avarissen de laorà in base a la specializzazion.” “Infatti, hinn specializzaa…” “Come te set terra a terra. Insomma, hoo leggiù che on sindic de on Comun brianzoeu l’ha obbligà la distanza anca per lor.” “Insema ai client?” “Scusa, Gregori, se gh’hinn minga i client, con chi tegnen la distanza?” “Su no, Francesca, ma l’interpretazion del decreto, l’è varia. Domenega a Messa, hoo imparà che i loeugh serrà deven restà avert. A on certo ponto de la predica hoo senti on’arietta in del coppin… Voo a la porta e la sari su. La vegn ona volontaria e cont prepotenza la derba anmò. Mi ghe domandi se l’era scrit in l’ordinanza ministerial. “Gh’hoo l’ordin de tegnila averta.” “ Inscì el virus el va’ foeura? ” “L’è la stessa roba de la distanza cont i lusiroeu, Gregorio. Se te operet tropp visin, multa.” “Ma per operà a distanza ghe voeur on supplement ch’el riva a meter 1,50” “Mi t’ho comprà i pinolett che in 28 dì te dann la dimension richiesta, cont l’attuale te rivet nanca a… ” “Francesca!” “No, Gregorio, hoo scherzaa.”
mail: brivio.roberto@yahoo.it