Un cacciatore di topi immortalato in città
Milano, 17 aprile 2018 - Ogni settimana lo sguardo di Roberto Brivio affilato in decenni di satira, esercitata come attore, scrittore e chansonnier, illuminerà angoli della Grande Milano di oggi: i suoi vizi, le sue virtù e soprattutto la sua gente, da raccontare con irriverenza e tenerezza, come sa fare lui. E in lingua madre: il dialetto milanese.
Guardi tucc i dì i messagg che me manda Clicca Lavoro. Me sont iscritt perché vorevi vedè che laorà me offriven cont i mè caratteristich, i mè studi, i mè tendenz . Uei, in duu ann m'han semper mandà el messagg ch'el dis “Lavoro negli aereoporti” “lavoro nelle pulizie” “lavoro come segretaria” “lavoro come commesso/a”. Peu ricevi squas tutti i dì l'insubìi per imparà a comprà i bitcoin “quelli che l'hanno scorso ne hanno comprati per 5 euro, adesso sono milionari, chi ne ha investiti mille è miliardario”; l'insubìi per fa el o la fisioterapista; per laureass in economia domestica (la materia l'è scomparsa). Mi aggiùngiaria anca educazione civica, educazione all'antibullismo, obbligand la teppa a piccà 12 or de fila j sacch de la boxe, inscì per sfogass.
Peu quand leggi de quel che l'è stà piccà, de quella che l'è stada violentada, de quell che l'ha cupà i so' genitor, so' fradel, che l'ha ferì el so insegnant, che l'ha maltrattàa i fioeu, ona volta ciappà dalla polizia, ghe applicarìa la legg del contrapass. Te scrivet sui mur Cent, mila ann, condannà a imbiancà plafon senza scala, cont la pennellessa dal baston longh che'l riva fina al soffitt. Te imbrattet i oper d'arte Condannà per l' eternità a staccà quader, spostà scultur, per taccaj e mettej da on altra part e depeu da quella part portà tutt in doa eren prima e inscì semper, cont i diavoj che hinn pront cont la frusta a fai laorà (ona scena da Helzapoppin). Te fet minga el to dover come politich, amministrador, governant Cent mila ann a fa elezion su elezion, senza traa in pè on governo, a vess elett e sbattù giò, a rotazion. Hoo vist on film' al festival de la fantascienza de Triest, tanti ann fa, in doa la vita de Hitler l'era in pien svolgiment. A la fin quand ch'el stava per suicidass in del bunker famos, el salvaven e le portaven in on sit per ricomincia' tutt de capp. Ona missa in scena de la madontena. On 'organizzazion l'aveva catturà e le teneva presoner ricominciand semper de capp. La moral per on individuo inscì rivoltant ona mort la bastava no, ghe ne voeureven cent, mila. Ona pena de Inferno cont la scenografia del Gustavo Dorè.
Ma intant 'sto Clicca Lavoro el va avanti…on moment. El va avanti nagott. El sta fermo da duu ann e pussè. Ciappa per esempi “Trova offerte nella tua città”. A hinn semper quej. Milano 18801, Roma 9.403, Torino 4.655, Napoli 1561, Palermo 1165. Tutti numer fermi che se moeuven no. Possibil che el 18.801, el diventa 18.800 perché vun l'ha trovà laòr. Che el 9403 el diventa 9400 perché trii, a Roma, hann firmà on contratt Adess hann scritt che la Posta la farà desmila assùnzion. La notizia la starà su on quaj ann. Moral Perché gh'è la moral anca chi. O assummen nissun o ne ciappen per el fondell, che l'è come dì “cù”.
E parlemm no dell'amor. Gh'hinn foeura i statistic che l'òmm e e la donna 'copulen' cont i cellular, che el sest comandament el gh'ha no possibilità de esist dal moment che , el dis on moviment, el gh'è pù l'inferno, che el gh'è mai stà, che l'è ona invenzion de la gesa cattolica, che la Geenna se po' buttalla in mar. 'sti ragionament a hinn a drè a cancellà el savor de la vita.
Ghè pù el concett de “Buono e Cattivo” “Brutto e Bello” “ Dritto e Storto” “Alto e Basso” “Aria e Terra” “Ricco e Povero” Tutt piatt. Ona noia. El gh'ha reson Califano che l'ha missa in canzon. Anca se cantada l'è manch (meno) noiosa! E a proposit de canzon, me sont accort che quej popolar canten quasi tucc el sesso a squarciagola. Ciappa, i risott n°3.4.5.6 (Canzoni Sporche all'osteria, di Roberto Brivio, 1974 ediz. Williams,pag.52). La maggior part di strofett riguarden l'atto carnale. “E la violetta la va la va/ la va sui campi la s'era sognada/ che l'era el so' spingin che la rimirava” Che bell el dialett. L'è per nient ordinari. L'innamorà, quell che se la fa, el ciamen spingin. Altra canzon “ …l'hoo guardada e chi che l'era/ l'era quella che me pias/ Mi gh'hoo dit in d'ona oregia/ Teresina voerom ben/ le piangend la rispondeva/ Oh podess voretten de men” Straordinaria dichiarazion d'amor. E ancamò “ L'altra sira sont stà de sora/ l'era là distesa in letto che/ che la dormva sola” te voeuret di che lu el s'è limità a guardalla e peu l'è andà via “Daghen on taj morettin stà fermo/ tira via quji man de lì/ quando la mamma dorme/ allora sì (3 v)” Esempio mirabile di mantenimento della purezza per la mamma. “ Gh'hoo el moros ch'el fa el pompier… pompa on poc, pompa on poc… el me pompier” Non è completamente soddisfatta la fidanzatina. “La gh'ha i cavej/ color ca gh'ha el formento/ oi giuramento/ faremo all'amor” Gli uomini preferiscono le bionde. Paren pussè fragil, disponibil. I cavej 'infrumentà' gh'han el 'sapore dell'amore', de la sana camporella. “La strada nel bosco/ l'è lunga, l'è larga, l'è stretta/ l'è fada a barchetta/ l'è fada per fare all'amor/” questo è un capolavoro di doppio senso. “
… e stringh e bindei, fibbiett de loton/ tira via i man di garon…” Le mani, un uomo, ha sempre saputo dove metterle. “ Rosa/Rosetta/ sposa diletta/ Le tue parole/ parlano d'amor” Complimenti che portano inevitabilmente in posizione orizzontale, anche perché è lei a parlare in un certo modo. “ Oi mamma mia i bersaglier van via/ e se lor van via mi ghe voo a drè/ lassi a ca' la rocca e torni pù indrè” Quando si dice il fascino della divisa e del sost plume, della sost hen. “ Che bell gognin(intraducibil, lett. furbastro) la Peppinetta/ Corpo d'on diavol/ voi fagh l'amor” A l'è la voeuja de tucc i ommen, basta che lee la sia on 'gognin' e minga volgarment quella che se ciama gnocca. “ … e sotto l'ombra di una nocciola, trumballallillallera…” El gh'è tutt: l'azion, la sbragiada (l'urlo), el piasè orgasmich “E' stato il giorno della partenza/ che voleva poi fare l'amor/ se vorrai” A l'è el ricatt moral. Podaress 'stà via per semper. Sù forza cont el trumba ecc. Quel 'se vorrai' el dà a la donna la dignità de podè di de no. “ Il Mario strappa la sua vestina/ e gliela sbatte in mezzo al prà” Domà per fagh on dispett. La lassa lì, sull'erba, nùda e vergognosa. Lù el va via cunt la vestina in man. “Te sta been, te podevet dimm de sì.” segue in altro numero. brivio.roberto@yahoo.it