Anziani
Milano, 5 novembre 2020 - L'è l’espression giusta, minga quella che se ferma ai pontitt e ch’el sembra on ordin. Pocch temp fa’ lassaven perd el “vecc” e scriveven “anzian” “de la terza età” e passà i ottanta “de la quarta”. Quaivun el diseva “te set giovin” seguì subit da on “ancamò” che voeureva dì “ anca ben de (malgrado) a dispètt de”. Gh’avevom on vantagg cont i noster fioeu. Quell de dì “a la toa età , mi s’eri…” senza che lor podessen ribatt perché a la mia età lor gh’eren minga rivà… ancamò. Ecco che, però intervegniven cont la frase “quand te gh’avévet la mia età?! Eren alter temp”. Eh, sì, eren alter temp. I malann faseven paura sì ma la salvezza l’era andà all’ospedal. Adess te gh’et paura de malass perché l’ospedal te fa’ “paura”, datosi che se sa quand te veet denter e se sa no quand te vegnet foeura, anzi, se, te vegnet foeura.
allora tacchen i raccomandazion “Sta’ a ca’ che te gh’hee l’età certa” “ Moeuves no che te ciappet on quaicoss” “Lassa sta’ i tram, el metrò, i treni, che te finisset cont on… raffreddor, come minimo” “ Ciappa no la macchina. Te se troeuvet in mezz ai Tir, ai camion, ai furgon, ai tricicli, ai… monopattini” e fra pocch “ai pattini a rodei!”. Per minga parlà del sesso. I fioeu se meraviglien se te diset che ti e la mamma sii in grado de fa’anmò on quaj scherzett. Te fan senti come quel de la barzelletta “ Cossa te fett cont la man lì?” “ gh’è vun in Tv che l’assicura ona noeuva vitalità” “ ma l’è per quei che ghe l’hann malàa, minga mort, come a ti.” O quel de la storia vera cuntada da on ginecologo “ Quanti anni ha signora?” “95 ” “Complimenti” “Grazie dottore. Ecco sono pronta, puo’ visitarmi.” “ Si, ma prima, mi dica, come mai a 95 anni da qui in su è tutta bianca e da qui in giù è ancora tutta nera?” “ Non vorrà mica mettere le preoccupazioni che mi ha dato questa con le gioie che mi ha dato quella lì, eh?!