Documenti
Milano, 16 gennaio 2020 - Mi vorevi dì on quaicoss sui criteri de valutazion di bandi. - Te la ghett coi bandi? -Prima de tutt bisognarìa sbatt in la ruera on po’ de diffidenza. -In di bandi? -Propri. Quand te ne parlet in gir, chi te scolta el se mett a ridd. - Chi vuol essere lieto, sia. - Quant’è bella giovinezza che si fugge… - Second ti, la giovinezza, perché la scappa? -Perché…perché. Perché te invegget... -...a segutà corr a drè ai bandi. -Ona volta mi hoo provàa a fann vun appena l’è sta’ pubblicaa. Uei, l’han minga pers?! Come se fa’ a perd ona domanda depoeu che te l’et protocollada! -Te gh’avevet la ricevuda, no? - Si, ma i lor avvocatt in sta’ tanto bravi che hann dimostrà al giudes che quella lì che gh’avevi mi la vareva minga come ricevuda. -Eh, i avvocatt quand se metten de bona lena... -Beh, come l’è andada a finì? -Che a la fin la domanda l’è stada trovada. L’impiegada l’aveva missa in on cassett. L’aveva cius a ciav e poeu l’era andada in ferij per quindes dì. All’estero. S’era ammalada in feri, tant de finì all’ospedal. Alter quindes dì per guarilla. La s’è fada on mes de convalescenza. Poeu l’è tornada. L’ha dervì el cassett e l’ha vist i document del bando compilaa e firmà. -Speri che te gh’abbien riconossu la toa reson. -Sì, ma ormai l’import del bando l’era giamò sta’ assegnà. -Te gh’avaret ciappà ona bella cifra come risarciment. -No. M’hann miss in graduatoria massima al bando che l’è vegnù depoeu. -E ti t’è accettaa? -Si, ma questa volta hoo ciappà on esperto per la compilazion. -Perche’ l’alter… -On disaster. Avevi sbaglià anca i virgol. - Inscì se per caso l’impiegada l’avess da’ a chi di dovere inveci de desmentegall in del casset, l’avarien sbattù nel sacch de la carta da riciclà. -Eccola. -Se mi fossi in ti scrivaria un sketc. -Fatto. L’è quest, bell e pront. -Ghe voraria ona quaj battuda. - L’è minga comic, l’è esilarant. E savè che l’è ver el diventa farsesco, come tutti i scritt burocratici, che quand ti a legget, te se la fet addoss. Evviva l’Italia e l’officialità.