Fabio Wolf
Marta Marangoni
Piri Pirì Pirì Pirì Pippi… Ve regordii vialter? Inscì el cominciava vun di caplavor de quel geni del Jannacci.
“Giovanni telegrafista” la canzon del Enzino tant nostalgica cha la fa streng el coeur.
El telegrafista l’è on mestè oramai desmentegaa.
E adess l’è surclassaa del “Internèt” e del “Liber di Facc” - el Feisbuc per fass capì. Eppur la memoria la resist ancammò.
Chì a Milan hemm l’ultima donna telgrafista de la storia: la se ciama Carla Trezzi Fantini e l’è la mamma de ona nostra cara amisa, la Giovanna - ch l’è minga telegrafista, lee, l’è avvocata.
La sciora Carla l’ha appena festeggiaa i sò 105 ann, e la g’ha ancammò on bel cervell viscor de rifless. “Fudess minga per i gamb, che quej i vann no!”, la dis lee.
Pussè de on secol de vitta!
Tu pensa che per i cent’ann i sò parent a gh’han dedicaa “La Canzone Fattapposta” di Duperdu, che semm num duu adrée a cercà la strada per tornà a cà e la troeuvomm minga. Va be’, lasemm perd e tiremm innanz.
La sciora Carla Del 1935 l’è stada telegrafista al palazz di Post del Cordusi e l’ha passaa la guerra al telegrafo: la mandava i messagg cifraa per i soldà.
E dopo l’ultim colp de tast in del 1956, la pension. Carla le voeur ben a Milan e la cognoss anca i sò magàgn.
La g’ha semper ona risposta pronta, precisa e incisiva, come quand la piccava sora el tast trasmittent.
Forsi a hinn propi “ellissi, brevità e urgenza”, robb tipicament milanes, che hann portà la Carla a questa veneranda età, cont serenità de spirit e tanta saggezza.
105 ann vivùu in cittaa.
“Le polveri sottili? Mai viste!”
Per ricevere le notizie selezionate dalla redazione in modo semplice e sicuro