Cabaret: la tradizion de Milan

Migration

Fabio Wolf

Marta Marangoni

Incoeu voeurom parlà de ona gran tradizion del nost Milan, che l’è nassuda in di ann Sessanta cont el Derby, el Cab 64, el Nebbia Club, sit oramai diventaa mitich: la tradizion del cabaret milanes.

Che l’è ona torta cont on fracch de ingredient, on spettacol che te fa rid, piang, cantà e pensà, vegnuu foeura de on’idea francesa a Paris in del 1881.

Gaber, Jannacci, Dario Fo, Franca Valeri, I Gufi hinn domà quajvun di grand artist poliedrich che hann faa brillà la nostra cittaa cont el lor umorism, satira, ironia, sarcasm, in d’ona parola poesia.

L’è ciar per nialter Duperdu perchè el Nanni Svampa cont la soa miee Dina hinn staa i noster testimon de nozz. Come el scriv giò anca el Michele Sancisi in del sò bell liber “Il mondo di Nanni Svampa”, indove el pittura anca la noeuva generation di giovin (grazie per el “giovin”) che hann continuaa la tradizion di Gufi. Per scovrì inveci la storia del cabaret e spassassela anca, stasira e doman al Teater de la Cooperativa cont la sapiente regia del Renato Sarti, el Flavio Oreglio, come on grand professor del cabaret, l’è sora el palch a cuntà e cantà el cabaret dai sò radìs infin a Milan.

Luu l’è preparaa, l’ha fondaaa el “Archivio storico del cabaret” che el cressarà semper pù.

El Flavio l’è l’epigono de quella meravigliosa stagion che la dev vess minga desmentegada.

Oreglio ne insegna che i parol sont important e pussè important l’è el significaa che num ghe demm.

è arrivato su WhatsApp

Per ricevere le notizie selezionate dalla redazione in modo semplice e sicuro