Se piang, se ridd... ne capita de tutti i color

Milano, 15 marzo 2017 - Milan de piang, Milan de ridd. Per piang basta legg la nera sul giornal . Ghe n’è per tucc. Professor che perden l’equilibri, assassit che fan gli gnorri, politich che litighen, che san no in che direzion andà, amministrador che roben, stilist che poden minga laorà per via di mult che el comun el dà in zona C a chi paga no el bigliett (ma se 5 euro ie paghi mi che ghe n’hoo no, perché po’ minga pagaj on’azienda che per sfilà in centro la spend milion e ne introita altrettanti cont la pubblicità indotta, con le “Sales”. Minga vendite, sales- t’è capì che cont “sales” varia tutt?- . Va ben, saran 40, 50, cossa l’è ch’el cambia?!). Milan de ridd. Se ridd cont le news, con el gossip, cont chi se sbiotta, chi voltagabbana, sui rivolt che finissen in acqua calda, su la gent che la reclama incoeu e doman la se desmentega de avell fàa e anca sui barzellett che hin el specc, a volt de la società.  «Me ne capita de tutti i color – diseva on me amis taxista in voeuna pausa de la contestazion sui autonoleggi –. Sul Taxi viaggen delinquent, anca de nomm, viaggiator spaventàa, curios, gent che la ciciara, gent che la sta cito, professor che parlen de cultura, perfinna on astronomo che in ona sera stellada la vorsù anda a Monteveggia a vedè el ciel pulito, un alter che l’ha vorsù andà sulla montagnetta de San Sir a cercà Giove ch’el passava de lì cont i so’ quatter satelliti. Ona sera la me ferma ona sciora. Se capiva dal vestì, dal truc, da la mise, dai scarp, dalla borsetta, che l’era voeuna … de quej. Poeu l’ha ciappà on topicch nel saltà su e l’ha tiràa foeura on espression da straqualifica immediata. “P... ti e chi te le dis no. ” - Gh’hoo dit. Dove la porto, signora? - Signora i me ball. Ciò on puntello remunerativo in fondo a via Mecenate.

Salgo su un’altra macchina, te me spettet on quart d’ora e poi ritorniamo in città. Mancia competente. L’ho portada in fond a via Mecenate dopo el pont della tangenziale, dopo il Monzino che ona volta se ciamava “Le quattro Marie” e l’era punto di ritrovo dei commenda e ona quaivuna che l’era minga la miè. Affittaven do’ stanz comunicanti e se daven de fa in ona sola. - Gh’han dà l’ossigeno? - Ma no. El Monzino l’è on ospedal seri. L’ha vorsu andà in un prato solitario più in là fuori dell’abitato. La macchina la gh’era no. La m’ha vardà sul disperato. “L’è andàda via o l’è minga vegnuda. Ona bella ciollada nel sens de la ciollada. Cià dai tira giò i braghet. Te foo vedè i stell anca cont la foschìa.” E mentre me sbiottavi la diseva. - Varda che mi le foo per mestèe. Sono 5.000 euro. Ona marchetta da Escort sostegnuda da ona grande esperienza e capacità. La fin del mond andada a patrèmm per la soa delicatezza. - Disciolles. El s’è fàa tardi. Foeura i danèe e via de corsa in città. - Varda – gh’hoo dit a mia volta - mi de mestèe foo el taxista. Dagh on ogiada al tassametro. El segna 9.000. Men i 5.000 de la marchetta, damm 4000 e te porti in centro gratis, altrimenti te lassi giò chi. La s’è fermada al figlio de… On completament l’avaria sconfessà la soa categoria».

brivio.roberto@yahoo.it